top of page
  • 租用服務會點樣收費?
    收費會以 ❶ 租金 (網站顯示之價錢) + ❷ 按金 ❷ 按金 會係黎拎物資時先俾,物資歸還完整無缺時會全數退回。 租期為一星期 (7日6夜), 預留租用物品須繳付全數租金作訂金。 破損的話會喺按金入面扣番。 如租賃物品因任何客觀原因導致未能於預定時期出租,我們會盡快通知租客,並退回已繳付之訂金,客戶需自行承擔其他損失。 拿取物品時需繳付相關物品的按金,歸還物品如有遺失或損毀至無法使用,按金將不獲退回,其他損毀情況按理賠償。
  • 收費係租金+按金,咁還物資係咪退番租金+按金?
    因為我地唔係NGO 🥲 我地都要交租嘅,所以租金係租用物資嘅費用,係冇得退番嘅。而按金係拎物資嘅時候俾低,到還物資,如果物資完好無缺就會全數按金退番。
  • 最早可以幾時租用物資?
    Appreciated 早啲安排婚禮物資🤗 現時2022年檔期現已開放,俾咗租金就已經可以幫你留咗個期先喇👍🏻
  • 咁最遲可以幾時租用物資?
    如果物資仲有期的話,婚禮前一日都仲可以租嘅😅 不過請留意番我地嘅開店時間,同埋需要到店自取物資🙏🏻多謝合作
  • 點樣網上落單?
    1. 揀啱物資放到購物籃再 Check out 2. 請在 Remarks 位置填寫大日子日期,以便我地查閱可租用日子 3. 填寫簡單個人聯絡資料 4. 我地會盡快聯絡你落訂 Hold 期,以及預約何時取走租用物品。 或 1. 揀啱物資放到購物籃再 Check out 2. 直接 check out 付款 3. 我們會再聯絡並提供租期及按金金額。 本店接受以下付款方式: Payme FPS 現金 Cash 銀行轉帳 Bank Transfer 八達通 歡迎預約到店面了解更多, 或支付訂金以確定於大日子租用本公司服務。 多謝幫襯💚
  • 晚裝係點樣租用?
    由於晚裝清潔比較難處理,所以我地暫時冇提供晚裝租用服務,現時只有晚裝二手買賣服務。 店內有婚紗、晚裝裙、姊妹裙發售,歡迎到店內參觀、試身。
  • Miss to Mrs Green 呢個名有咩意思?
    雖然婚禮一世人一次,但唔代表要浪費資源同唔環保嘅💚 寄語各位靚靚新娘子,整個籌備婚禮嘅過程 由 Miss to Mrs 雖然過程好艱辛XD,但係我地都可以為地球盡一分力💚向 #環保婚禮 進發 盡力提供多一個選擇俾準新人,推動 #環保婚禮 #綠色婚禮
  • 你哋係咪慈善機構/社企?
    我地唔係慈善機構 / 社企 XD 我地只係太勇敢去經營環保婚禮服務嘅店主 哈哈哈。 所以我地都係要交租都係要食飯,如果你地認同我地嘅理念,不妨為我地多多推介喔親 <3
  • 婚禮要改期 🥺 可唔可以改期呢?有冇另加收費?
    明白呢段時間新人安排婚禮時都辛苦喇🙇🏻‍♀️ 我哋可以免費改期三次,如果物資有期可以免費改期去新嘅大日子。所以如果確定咗新嘅大日子,建議可以盡快聯絡我哋幫你留期先。 不過留意番~由於俾咗嘅租金係冇得退番,如果有物資冇期,可以選擇轉租其他有期嘅物資,謝謝🙏🏻
  • 可以call車送貨嗎?包運費?
    我地可以於開店時間內代叫車/步兵送貨,視乎租用物資多少決定,車資由用家負責,因為本來物資係需要到店自取的。而安排送貨前,請先支付按金🙇🏻‍♀️ 運輸風險亦由用家承擔,請自行考慮是否叫車送貨。
  • 咁運費係幾多錢?
    車資到付,實報實銷。運費因應不同時間地點而定,你可以自行於各大call車平台㩒一㩒報價,店舖地址喺網站可以搵到。你亦可自行安排司機上門取件,但請先通知我地以作安排🙏🏻記得要上門取件,因為湊住太子爺唔方便落樓送貨🙇🏻‍♀️
  • 你地舖頭有啲遠,可以地鐵交收 / 順豐到付送貨嗎?
    ①地鐵站交收🙅🏻‍♀️ 因為一人顧店+顧埋太子爺關係,所以我地除咗舖頭以外,係唔會另外交收嘅 ②順豐到付🙅🏻‍♀️ 因為難以確定運送期間物資完好無缺,所以我地並不會安排順豐到付運送
  • 你地舖頭有啲遠,我地唔想番黎還物資,可以直接買走物資嗎?
    我地提倡以租代買,善用物資循環再用,因此我地絕不鼓勵,亦並無買斷物資服務。須知道物資有機會有新人之後再租黎用,所以如果因為地點問題,敬請喺租用之前三思清楚是否有能力歸還物資,做個負責任嘅租用者。亦希望大家愛惜物資,儘量妥善保存已租之物🙏🏻🙇🏻‍♀️萬分感激
  • 你地會唔會寄賣/收買物資嘅?
    我地唔會🥲暫時都唔會。唔係我地貪心要人捐物資,而係我地真係冇位,係冇位😮‍💨 我地唔係NGO,冇咁多地方容納咁多物資,明白有人會唔明點解要捐俾我地,只可以講⋯⋯選擇捐物資俾我地嘅新人大部分都好認同/支持我地嘅理念,所以選擇無私捐獻物資俾我地(但再三講多次,我地唔係樣樣都收架,請send相俾我地考慮一下先)
  • 你地會回收物資嗎?
    嗯⋯因為店舖面積有限,所以要睇睇係咩類型,太大件嘅就會擺唔落 如果店舖已有同類型嘅物資,我地暫時都唔會回收。 你亦可以先send 相俾我地望望先 :) 如果我地收唔到,我地亦鼓勵大家可以同朋友分享,延續物資可再用嘅生命喔!
  • 完婚之後嘅婚禮物資可唔可以俾你地?因為都係好靚好新淨,唔想浪費
    明白嘅☺️🙏🏻相比起接收物資,我更想多啲人租用我地嘅物資減少浪費💚 拿~講明先,人人定義嘅靚都唔同嘅,結婚用一次當然好新淨,我真係明⋯ 無奈我地店舖空間有限(要交租的🥲)所以我地不能夠任意接收物資。 你地有心想捐物資俾我地嘅新人,可以先影相俾我地望望,我地會再考慮接唔接收,千祈千祈唔好直接拎過黎舖頭直接俾我地🥲🙏🏻拜托~我地真係冇乜位剩架喇plssss
  • 用品你地有清潔過嗎?
    我地租出去之前會作簡單清洗。 將心比己,我地都希望客人歸環物品前作簡單清洗,謝謝! 如果有啲使用過或小瑕疵,請唔好見怪,始終都係它的過去呀! ​ 循環物資可能有耗損,不喜勿插。
  • 物資係咪全部都係二手嘅?
    大部份物資係二手嘅,condition都好新淨。亦有部份係全新,由新人捐贈俾我地。 我地希望所有資源都可以循要再用,達至資源可以發揮到佢嘅功效,不至於浪費去到堆填區。
  • 啲物資喺邊度黎嘅?
    我地嘅物資大部份由客人捐贈,以及 惜婚男女 提供,佢地早前有提供二手婚禮用品租售服務,其後由我地 Miss to Mrs Green 接手繼續運作下去。 詳情可以參考呢個 post :) https://www.facebook.com/cnswedding/photos/a.925925404093439/2512259615460002/?type=3&theater
  • 當我俾咗租金租用物資啦,喺用之前如果人哋整爛咗,咁點算?會退款嗎?
    冇錯,如果萬一物資租之前有破損/遺失咗,可以退款,或者可以考慮租用其他物資。當然一般租用我地物資嘅新人都係想環保啲,都會儘量愛惜租用之物🙏🏻有賴各位嘅愛護同惜物之心🙇🏻‍♀️
  • 如果襟花整唔見咗咁點算?
    呢個係唔想發生但明白又理解嘅情況黎嘅。明白大日子有好多事要處理,我地一般會建議新人可以安排兄弟姊妹最後負責收集番租用嘅襟花。如果真係有遺留,我地會扣起遺失物資之按金,以作賠償之用。
bottom of page